L7RAIFIA · 20/10/2026
المساعدة والتواصل
عندك سؤال أو مشكل؟ هنا تلقى الخطوات الأساسية وتتواصل مع إدارة L7RAIFIA.
كيفاش نبدا؟
كزبون، قلب حسب الحرفة والمدينة أو الخريطة، وشوف الملف قبل التواصل. تقدر تنشر طلب وتقارن العروض. كحرفي، سجّل ملفك وزيد صور حقيقية من أعمالك من خانة «حسابي».
تسجيل الاتفاق من المحادثة
إلا تفاهمتو فالمحادثة، أي طرف يقدر يسجل الخدمة والثمن والموعد. الطرف الآخر كيأكد أو كيطلب التعديل. الاتفاق ما كيتعتبرش مؤكداً حتى يتقبل من الطرف الآخر، وكل تعديل خاصو تأكيد جديد. الإدارة كتتابع الحالة المسجلة وما كتستنتجش الاتفاق من الرسائل.
الحجز المباشر
تقدر تحجز من الملف المهني أو من المحادثة بلا ما تمشي لحسابي. دخل وصف الخدمة والمدينة وتاريخ مقترح. الحرفي كيرسل الثمن والتفاصيل، والزبون كيقبل العرض باش يتأكد الحجز. كل حجز عندو رقم خاص وكيبقى ظاهر للطرفين والإدارة.
كيفاش نأكد إكمال الخدمة؟
من حسابي، الحرفي المختار كيعلن إكمال الخدمة. الزبون من بعد كيأكد أو كيبلغ عن مشكل. ما كاينش إكمال تلقائي، والتأكيد ماشي إثبات للأداء. الإدارة كتتابع الحالات وتقدر ترجع الخدمة للمتابعة بعد مراجعة المشكل.
التواصل والاتفاق
التواصل كيدوز داخل الرسائل. وضّح الخدمة والثمن والمواد والموعد قبل الاتفاق. الأداء كيبقى مباشرة بين الزبون والحرفي؛ المنصة ما كتستقبلش الفلوس.
الخريطة والتثبيت
GPS اختياري وبموافقتك. الحرفي يقدر يشارك موقع ورشته التقريبي من حسابي. تثبيت التطبيق كيدوز من متصفح الهاتف، وما زال ما كاينش نشر فمتاجر التطبيقات.
التبليغ وتتبع الرد
زر التبليغ كاين داخل الملف المهني وطلب الخدمة. الرسالة كتظهر للإدارة، والجواب كيبان ليك هنا من نفس الحساب. التبليغ بوحدو ما كيخفيش المحتوى تلقائياً.